صرح الفنان المصري أحمد مالك، عن تفاصيل بداية حياته الفنية وطفولته فى إحدي البرامج، مشيرا إلى أنه تعرض للتنمر منذ صغر سنه ، حيث كان يبلغ من العمر  الـ 12 و13 عاما بسبب بنيته الجسمية.

أحمد مالك

وقال الفنان أحمد مالك، في برنامجه AB Talks: أنا بدأت شغلانة الفن وأنا سني صغير جدا، أول مرة وقفت قدام الكاميرا كنت أبلغ من العمر 8 سنوات، وكنت بعمل إعلان لمكرونة والمكرونة كانت نية علشان شكلها يبقى حلو، وكلتها وكنت عايز أرجع لكن مينفعش علشان الناس هتزعقلي ، المفروض التجربة دي لطفل مش حلوة، ولكن أنا كنت مبسوط زي يوسف عثمان في فيلم بحب السيما.

الفنان أحمد مالك

وأضاف أحمد مالك: كنت بدخل اللوكيشن وأنا طفل عندي 9 سنين كنت بحس أنه شيء بيكسر كل الواقع اللي كنت عايش فيه، وكنت حاسس بأمان وأنا عندي 13 سنة..

وتابع: أنا عندي الجوع بتاع أني معملتش حاجة، مع أني عملت كتير، أنا مش عارف أنا عملت إيه مع أني الحمد لله اشتغلت كتير وعملت حاجات كويسة وممتن للمهنة جدًا وبحبها.