كشفت الفنانة المصرية شيرين عبد الوهاب تفاصيل المعاناة التي مرت بها خلال أزمتها الأخيرة، مشيرة إلى أنها فقدت صوتها في تلك الفترة من تراكم الحزن داخلها، لكن حب الجمهور الكبير لها أعاد لها صوتها من جديد بعد دعمهم .

شيرين عبد الوهاب

وقالت شيرين عبد الوهاب خلال وجودها ببرنامج  Big Time مع الإعلامي المصري  عمرو أديب والمطربة أصالة نصري : جيت أغني صوتي مطلعش، وكنت بخاف أجرب، مش عايزة حد يقولي غني وخايفة، كانت فترة صعبة، لكن حب الناس جمعني، لما نزلت حفلة بعد فترة غياب صوتي رجع في البروفة، وصليت شكر لربنا إني سمعت نفسي تاني.

تصريحات شيرين عبد الوهاب

وأضافت شيرين : في مهرجان قرطاج كانوا حاطين على المسرح 4 كراسي، لأني مكنتش بقدر أقف أكتر من 10 دقايق، رجلي تتملي مية، فجأة تخنت وكانت حاجة غريبة، وصوتي كان رايح لكن رجع في البروفة، وطلبت من بنت في الكورال تقرأ عليا سورة البقرة علشان أشكر ربنا.

الفنانة المصرية شيرين

وأردفت شيرين عبد الوهاب: في البروفة صوتي طلع، روحت البيت صليت وطلبت من البنات تقرأ لي سورة البقرة، لأنها طويلة عليا أوي وكنت بشكر ربنا إني سمعت صوتي من تاني.