أثار فيديو في مصر لـ عريس خليجي وعروسة مصرية جمهور مواقع التواصل الاجتماعي بعد قيام العريس بإلقاء بعض الأموال على عروسه خلال مراسم حفل الزفاف وتهافت المعازيم لالتقاط الأموال من الأرض البعض غضب من المشهد والطريقة ظهر بها العريس الخليجي خلال حفل الزفاف والبعض الاخر وصف أن ما قام به تعبيرا عن حبه لعروسه
العريس الخليجي والعروسة المصرية
وتداول رواد مواقع التواصل الاجتماعي فيديو قصير لا تتخطي مدته 60 ثانية خلال رقص العريس الخليجي وعروسه المصرية تحول بعدها نشطاء مواقع التواصل بين معارض ومؤيد لما حدث
وتبين أن العريس الخليجي الذى أثار ضجة على مواقع التواصل بعد قيامه بالقاء الفلوس على عروسه المصرية خلال حفل زفافهما يحمل الجنسية المصرية والسعودية
فيديو العريس الخليجي والعروسة المصرية
وحول فيديو العريس الخليجي والعروسة المصرية .. وقال أحد أقارب العروسة المصرية تعليقا على ما حدث أن العريس القى بالأموال من شدة حبه وفرحته بعروسه
وعلق أحد رواد مواقع التواصل الاجتماعي على صفحته الشخصية بعد مشاهدة فيديو العريس الخليجي والعروسة المصرية :
العريس الخليجي رمى فلوس على عروسته اللي واقفة ترقص بين الناس، دخل أهل العروسة على المسرح يلموا الفلوس من على الأرض في مشهد من مشاهد الأفلام العربي اللي يبقى واحد واقف ورا الرقاصة يلم الفلوس اللي ارتمت عليها، بس الفرق هنا كذا حد وبشكل عشوائي، عشان يبان مدى الجوع والخضوع للمال.
إحدى قريبات العروسة تقريباً أمها أو خالتها حد له صلة قرابة بيها بعد ما تم رمي المال راحت تحضن العريس وتهنيه، في مشهد بتبين فيه انتصارها هي بنتها تقريباً بإنها حصلت على واحد زي ده مستعد يرمي المال عليها وعلى أهلها في أي وقت.
في نفس الوقت واحدة دخلت تهنئ العروسة على مكسبها وانضمامها للدوري السعودي، وممكن تبقى قاعدة معاها عادي طول النهار، بس الموقف كان يستدعي التهنئة، حاجة كده زي ما واحد بيجيب جول واللاعبية تروح تحتفل معاه.
العريس بيضحك لأنه عرف الطريق اللي هيكسب به أهل العروسة ويشتريهم به وهو المال، وده أمر مش فارق معاه.
العروسة بتضحك عشان عرفت إن معاها واحد مستعد يرمي عليها المال بدون حساب، وهو المطلوب من بداية الموضوع.
عيلة كاملة كرامتها راحت تحت التراب بسبب حاجة زي كده، ولو كان فيه ذرة كرامة مكانش الموضوع ده كمل بالشكل اللي إحنا شايفينه ده.
